దట్ ఈజ్ జేసీ ప్రభాకర్… సాధించాడు

అనంతపురం జిల్లా తాడిపత్రి మున్సిపల్ చైర్మన్ గా టీడీపీ నేత జేసీ ప్రభాకర్ రెడ్డి ఎన్నికయ్యారు. మొత్తం వార్డులు 36 ఉండగా.. టీడీపీ 18 వార్డుల్లో.. వైసీపీ 16 వార్డుల్లో గెలిచాయి. సీపీఐ ఒక స్థానం.. ఇండిపెండెంట్‌ మరో స్థానం కైవసం చేసుకున్నాయి. కాగా తమ పార్టీకి చెందిన 18 మంది కౌన్సిలర్లతో పాటు సీపీఐ, ఇండిపెండెంట్ కౌన్సిలర్లు మద్దతు తనకే ఇవ్వడంతో జేసీ ప్రభాకర్ రెడ్డి కుర్చీ దక్కించుకున్నారు. మొదట కౌన్సిలర్లుగా ఎన్నికైన వాళ్ళు ప్రమాణం చేయగా ఆ తర్వాత చైర్మెన్ ఎన్నిక ప్రక్రియను నిర్వహించారు. ఇక మున్సిపల్ ఎన్నికల్లో శ్రీకాకుళం నుంచి చిత్తూరు వరకు వైసీపీ విజయ కేతనం ఎగురవేయగా తాడిపత్రిలో మాత్రం టీడీపీ విజయం సాధించింది.