విజ‌య్ 66వ చిత్రం – వార‌సుడు టైటిల్ ఫిక్స్

కొత్త చిత్రాల‌కి పాత టైటిల్స్ పెట్ట‌డం ఈ మ‌ద్య కాలంలో బాగా న‌డుస్తోన్న ట్రెండ్ గా మారింది. కాగా త‌మిళ స్టార్ హీరో విజ‌య్ నేరుగా తెలుగులో ఓ సినిమా చేస్తున్నాడు. వంశీ పైడిపల్లి దర్శకత్వంలో ఈ సినిమా తెరకెక్కుతోంది. తెలుగు, తమిళ భాషల్లో రూపొందుతోంది. ఇది విజయ్‌ నటిస్తున్న 66వ చిత్రం. రష్మిక మందన్న నాయికగా నటిస్త్తున్నది. దిల్‌ రాజు నిర్మాత. ఈ సినిమాకు ‘వారసుడు’ అనే టైటిల్ ఖరారు చేశారు. 1993లో ఇదే టైటిల్ తో నాగార్జున, నగ్మ హీరో, హీరోయిన్లుగా ఓ చిత్రం వచ్చిన సంగతి తెలిసిందే. అప్పట్లో అది మంచి సక్సెస్ సాధించింది. ఈ విజయం విజయ్ ను కూడా వరిస్తుందేమో చూడాలి. మరోవైపు ఈ చిత్రానికి తమిళంలో ‘వారిసు’ అనే టైటిళ్లను ఖరారు చేశారు. బుధవారం విజయ్ పుట్టిన రోజును పురస్కరించుకొని చిత్ర బృందం హీరో ఫస్ట్ లుక్ తో పాటు టైటిల్‌ను వెల్లడించింది. సూట్‌ ధరించిన విజయ్ క్లాస్ లూక్ లో చాలా యంగ్ గా కనిపిస్తున్నాడు. ద బాస్‌ రిటర్న్స్‌ అనే క్యాప్షన్‌ పెట్టారు. థమన్ సంగీతం అందిస్తున్న ఈ చిత్రాన్ని వచ్చే సంక్రాంతికి విడుదల చేయాలని చూస్తున్నారు.