మీడియా ప్ర‌తినిధుల‌పై త‌మ‌న్నా బౌన్స‌ర్ల దాడి-ఇద్ద‌రికి గాయాలు

బ‌బ్లీ బౌన్స‌ర్ చిత్రం ప్ర‌మోష‌న్ లో భాగంగా హైద‌రాబాద్ వ‌చ్చింది హీరోయిన్ త‌మ‌న్నా.ఈ మేర‌కు న‌గ‌రంలో మీడియా స‌మావేశాన్ని ఏర్పాటు చేశారు. ఈ సంద‌ర్భంగా విధి నిర్వహణలో వున్న మీడియా ప్ర‌తినిధుల‌పై త‌మ‌న్నాకు ర‌క్ష‌ణ‌గా వ‌చ్చిన బౌన్స‌ర్లు దాడికి దిగారు. ఈ దాడిలో ఇద్ద‌రు కెమెరామెన్ల‌కు గాయాల‌య్యాయి. బ‌బ్లీ బౌన్స‌ర్ మీడియా స‌మావేశం ముగిసిన త‌ర్వాత మీడియా ప్ర‌తినిధుల‌తో త‌మ‌న్నా బౌన్స‌ర్లు వాగ్వాదానికి దిగారు. ఈ సంద‌ర్భంగా మీడియా ప్ర‌తినిధులు కూడా బౌన్స‌ర్ల‌ను నిల‌దీయ‌డంతో ఇరు వ‌ర్గాల మ‌ధ్య వాగ్వాదంతో పాటు ఘ‌ర్ష‌ణ చోటుచేసుకుంది. ఈ సంద‌ర్భంగానే త‌మ‌న్నా బౌన్స‌ర్లు మీడియా ప్ర‌తినిధుల‌పై దాడికి దిగారు.