టీ20 ప్రపంచకప్‌లో భాగంగా నేడు జరుగుతున్న మ్యాచ్‌లో నెద‌ర్లాండ్స్ తో తలపడతున్న సౌతాఫ్రికా.. డజ్ జట్టును తక్కువ పరుగులకే కట్టడి చేసింది. టాస్ ఓడి తొలుత బ్యాటింగ్ చేసిన నెదర్లాండ్ జట్టు సఫారీల ధాటికి తట్టుకోలేకపోయింది. దీంతో నిర్ణీత 20 ఓవర్లలో 9 వికెట్ల నష్టానికి 103 పరుగులే చేయగలిగింది.
సిబ్రాండ్ ఎంగెల్‌బ్రెచ్ట్ (45 బంతుల్లో 40), లోగాన్ వాన్ బీక్ (22 బంతుల్లో 23) టాప్ స్కోరర్లుగా నిలిచారు. ఇక సౌతాఫ్రికా బౌలర్లలో ఒట్నీల్ బార్ట్‌మాన్ 4/11, అన్రిచ్ నార్ట్జే 2/19, మార్కో జాన్సెన్ 2/20 వికెట్లు దక్కించుకున్నారు. దీంతో 104 పరుగుల టార్గెట్‌తో సౌతాఫ్రికా జట్టు బరిలోకి దిగనుంది.