బ్రిస్బేన్‌లోని లాంగ్ పార్క్‌లో జ‌రిగిన మహిళల ఫుట్ బాల్ ప్రపంచ కప్‌లో స్వీడన్ మరో కాంస్య పతకాన్ని గెలుచుకుంది. మూడో ప్లేస్ ప్లేఆఫ్‌లో భాగంగా ఇవ్వాల (శ‌నివారం) జ‌రిగిన మ్యాచ్ లో హోస్టింగ్ టీమ్ ఆస్ట్రేలియాపై 2-0 తేడాతో విజయం సాధించింది స్వీడన్. దీంతో త‌మ‌ను థ‌ర్డ్ ప్లేస్ గేమ్ లో ఓడించడం కష్టమని మరోసారి నిరూపించుకున్నారు స్వీడిష్ మహిళలలు. ఈ విన్ తో స్వీడన్ తమ నాల్గవ మహిళల ప్రపంచ కప్ కాంస్య పతకాన్ని గెలుచుకుంది.
సెమీ-ఫైనల్స్‌లో ఆస్ట్రేలియాను 3-1తో ఇంగ్లండ్‌ ఓడించగా, స్వీడన్‌ను 2-1తో స్పెయిన్ ఓడించింది. కాగా, రేపు (ఆదివారం) సిడ్నీలో జరిగే ఫైనల్‌లో యూరోపియన్‌ ఛాంపియన్‌ ఇంగ్లండ్‌, స్పెయిన్ తలపడుతున్నాయి.