ల‌క్నో: వివాహేత‌ర సంబంధం ఉంద‌నే అనుమానంతో క‌ట్టుకున్న భార్య‌ను గొంతుకోసి హ‌త‌మార్చాడు ఓ కిరాత‌క భ‌ర్త. ఈ ఘ‌ట‌న ఉత్త‌ర్‌ప్ర‌దేశ్ రాష్ట్రం ముజ‌ఫ‌ర్‌న‌గ‌ర్ జిల్లాలో గురువారం రాత్రి చోటుచేసుకుంది. భార్య‌భ‌ర్త‌లిద్ద‌రూ ఓ టైల్స్ ప‌రిశ్ర‌మంలో దిన‌స‌రి కూలీలుగా ప‌నిచేస్తున్నారు. ఆ ప‌రిశ్ర‌మలో ప‌నిచేసే మ‌రొక కార్మికుడితో ఆమె అక్ర‌మ సంబంధం పెట్టుకుంద‌ని భ‌ర్త అనుమానిస్తూ వ‌స్తున్నాడు.
ఈ విష‌యంతో భార్యాభ‌ర్త‌ల మ‌ధ్య త‌రుచూ గొడ‌వ‌లు కూడా జ‌రుగుతున్నాయి. నిన్న ఫ్యాక్ట‌రీ నుంచి ఇంటికొచ్చిన త‌ర్వాత మ‌రోమారు భార్యాభ‌ర్త‌లు ఘ‌ర్ష‌ణ ప‌డ్డారు. రాత్రి భోజ‌నం చేసి నిద్ర‌పోయారు. అర్ధ‌రాత్రి ఆ కిరాత‌కుడు లేచి, ప‌దునైన క‌త్తితో దాడి చేసి గొంతు కోసేశాడు. ఆమె అక్క‌డిక‌క్క‌డే ప్రాణాలు కోల్పోయింది. భ‌ర్త క‌త్తితో దాడి చేసిన స‌మ‌యంలో గ‌ట్టిన కేక‌లు వేయ‌డంతో ఇరుగుపొరుగు వారు అక్క‌డికి పోగ‌య్యారు. నిందితుడిని ప‌ట్టుకుని పోలీసుల‌కు అప్ప‌గించారు.