అనిల్ రావిపూడి డైరెక్ట్ చేసిన ఎఫ్3 సినిమా థియేట‌ర్ల‌లో న‌వ్వుల పంట పండిస్తోంది. సినిమా హాళ్లోకి వెళ్లింది మొద‌లు.. బ‌య‌టికి వ‌చ్చేదాకా ఫుల్ ఫ‌న్ ఉంటుంద‌ని చెబుతున్నారు మూవీ ల‌వ‌ర్స్‌. అయితే ఈ సినిమా ఇప్పుడు ఇంటింటా నవ్వులు పూయించేందుకు రెడీగా ఉంది.. ప్ర‌తీ ఇంటికి వ‌చ్చే్స్తున్నారు స‌మ్మ‌ర్ సోగ్గాళ్లు.
వెంకటేష్, వరుణ్ తేజ్ తోడల్లుళ్లుగా నటించిన సినిమా ‘ఎఫ్3’. అనిల్ రావిపూడి డైరెక్ట్ చేసిన ఈ సినిమా సూపర్ హిట్ ‘ఎఫ్ 2’కి సీక్వెల్ గా తెరకెక్కించారు. ‘ఎఫ్ 2’ సినిమాలో కనిపించిన తారలతో పాటు ‘ఎఫ్3స‌లో కొంత‌మంది కొత్త క్యారెక్టర్లు కనిపించాయి. పూజాహెగ్డే ఐటెం సాంగ్ కూడా చేసింది. మే 27న విడుదలై మాచం బ్లాక్‌బ‌స్ట‌ర్‌గా నిలిస్తోంది . కలెక్షన్స్ పరంగా వ‌సూళ్ల పంటా పండిస్తోంది. ఓవర్సీస్ లో ఈ సినిమాకి మంచి రెస్పాన్స్ వస్తోంది. టాక్ తో సంబంధం లేకుండా ఫ్యామిలీ ఆడియన్స్ క్యూ కడుతున్నారు. ఈ మధ్యకాలంలో అన్నీ సీరియస్ సినిమాలే రిలీజ్ అవ్వడం కూడా ‘ఎఫ్3’కి కలిసొచ్చింది. లాజిక్స్ లేని ఈ కామెడీ ఎంటర్టైనర్ ను బాగానే ఆదరిస్తున్నారు ప్రేక్షకులు.
ఇదిలా ఉండగా.. ఇప్పుడు ఈ సినిమా ఓటీటీ రిలీజ్ కి సంబంధించిన న్యూస్ ఒక‌టి సోషల్ మీడియాలో చక్కర్లు కొడుతోంది. ఈ సినిమా డిజిటల్ రైట్స్ ను ప్రముఖ ఓటీటీ సంస్థ సోనీ లివ్ దక్కించుకుంది. సినిమా విడుదలైన 4 వారాల త‌ర్వాత ఓటీటీలో రిలీజ్ చేసేలా అగ్రిమెంట్ రాసుకున్నారు. దిల్ రాజు నిర్మాత కాబట్టి ఈ 4 వారాలు సినిమాను థియేటర్లో ఆడించుకోవడం ఖాయం. కాబట్టి జూన్ చివరి వారంలో ఈ సినిమా ఓటీటీలోకి రాబోతున్న‌ట్టు తెలుస్తోంది.