స్టైలిష్ స్టార్ అల్లు అర్జున్ ఆదివారం ఉదయం ట్విట్టర్‌లో ఎమోషనల్ ట్వీట్ చేశాడు. ఆయన నటించిన ‘గంగోత్రి’ చిత్రం మార్చి 28, 2003లో విడుదలైంది. ‘నా తొలి చిత్రం విడుద‌లై నేటితో 18 ఏళ్లు అయింది. నా 18 ఏళ్ల జ‌ర్నీలో నాతో క‌లిసి పని చేసిన ప్ర‌తి ఒక్క‌రికి ధ‌న్య‌వాదాలు తెలియ‌జేస్తున్నాను. కృత‌జ్ఞ‌తాభావంతో నా హృద‌యం నిండిపోయింది. ఇన్నాళ్లుగా మీరు చూపిస్తున్న ఈ ప్రేమ‌కు నేను ధ‌న్యుడిని’ అంటూ బ‌న్నీ తన ట్వీట్‌లో పేర్కొన్నాడు. ద‌ర్శ‌కేంద్రుడు రాఘవేంద్రరావు 100వ మూవీగా ఈ చిత్రం తెర‌కెక్కి బాక్సాఫీస్ ద‌గ్గ‌ర మంచి విజ‌యం సాధించింది. ఆర్తి అగర్వాల్ సోదరి అదితి అగర్వాల్ ఈ చిత్రం ద్వారా తెలుగు సినీరంగానికి పరిచయం అయింది. ఈ సినిమాకు అల్లు అర్జున్‌కు రాఘవేంద్రరావు తన చేతుల మీదుగా రూ.100 రెమ్యునరేషన్ ఇచ్చారట. ఈ విష‌యాన్ని ఇటీవల రాఘవేంద్రరావు స్వయంగా ఓ ఇంట‌ర్వ్యూలో చెప్పుకొచ్చారు.
