వ‌రుస‌గా మూడోరోజు న‌ష్టాల‌తో ముగిసిన స్టాక్ మార్కెట్లు

స్టాక్ మార్కెట్లు వ‌రుస‌గా మూడోరోజు కూడా న‌ష్టాల‌బాట ప‌ట్టాయి. ద్రవ్యోల్బణం పెరుగుతుండటంతో పాటు, మరో ఆర్థిక సంక్షోభం రాబోతోందనే అంచనాలు మార్కెట్లను ప్రభావితం చేశాయి. ఈరోజు ఉదయం నష్టాల్లోనే ప్రారంభమైన మార్కెట్లు ఆ తర్వాత కోలుకున్నాయి. అయితే వెంటనే మళ్లీ పతనమయ్యాయి. ఈరోజు ట్రేడింగ్ ముగిసే సమయానికి సెన్సెక్స్ 153 పాయింట్లు కోల్పోయి 52,693కి పడిపోయింది. నిఫ్టీ 42 పాయింట్లు నష్టపోయి 15,732 వద్ద స్థిరపడింది. భారతి ఎయిర్ టెల్ (1.63%), ఎన్టీపీసీ (1.61%), అల్ట్రాటెక్ సిమెంట్ (1.42%), మహీంద్రా అండ్ మహీంద్రా (1.19%), ఇన్ఫోసిస్ (1.13%) బీఎస్ఈ సెన్సెక్స్ టాప్ గెయినర్స్ గా నిలిచాయి. ఇండస్ ఇండ్ బ్యాంక్ (-2.12%), టెక్ మహీంద్రా (-2.08%), రిలయన్స్ (-1.33%), మారుతి (-1.32%), హెచ్డీఎఫ్సీ లిమిటెడ్ (-1.23%) టాప్ లూజర్స్ గా మిగిలాయి.