Stock Market – రెండో రోజూ కొనసాగుతున్న నష్టాలు…. తొలి సెషన్ లోనే 450 పాయింట్ల పతనం

ముంబై – దేశీయ స్టాక్‌మార్కెట్‌లో పతనం బుధవారం కూడా కొనసాగింది. బుధవారం ట్రేడింగ్ ప్రారంభమైన వెంటనే దేశీయ మార్కెట్‌లో భారీ పతనం కనిపించింది..సెన్సెక్స్ దాదాపు 450 పాయింట్ల నష్టంతో ట్రేడింగ్ ప్రారంభించగా, నిఫ్టీ ప్రారంభమైన వెంటనే దాదాపు 125 పాయింట్లు పడిపోయింది. ప్రీ-ఓపెన్‌ సెషన్‌ నుంచే దేశీయ మార్కెట్లు ఒత్తిడికి లోనయ్యాయి. ప్రీ-ఓపెన్ సెషన్‌లో సెన్సెక్స్ 180 పాయింట్లు పడిపోయింది. నిఫ్టీ కూడా దాదాపు 0.30 శాతం నష్టాల్లో ఉంది. ఉదయం 9.20 గంటలకు సెన్సెక్స్ 436.46 పాయింట్ల నష్టంతో 65,075 పాయింట్లకు చేరుకుంది. అదే సమయంలో నిఫ్టీ 135 పాయింట్లకు పైగా పడిపోయింది. 19,400 పాయింట్ల దిగువకు వచ్చింది.