పాకిస్తాన్‌లో 2023 ఆసియా కప్‌ నిర్వహణపై నీలినీడలు కమ్ముకున్న నేపథ్యంలో, ఈవెంట్‌కు ఆతిథ్య దేశంగా శ్రీలంకకు అవకాశం దక్కనుంది. పాక్‌లో ఆడేందుకు ఇండియా నిరాకరించడం, పీసీబీ సూచించిన హైబ్రిడ్‌ విధానాన్ని బీసీసీఐ వ్యతిరేకించిన నేపథ్యంలో, ఆసియాకప్‌ ఆతిథ్యం ప్రశ్నార్థకంగా మారింది.
ఈ నేపథ్యంలో ఈవెంట్‌ నిర్వహణకు దుబాయ్‌, శ్రీలంక, బంగ్లాదేశ్‌ ప్రత్యామ్నాయ వేదికలుగా తెరపైకి వచ్చాయి. అయితే, దుబాయ్‌లో వేసవి వాతావరణం ప్రతికూలంగా ఉంటున్నందున, శ్రీలంకకే ఆతిథ్య అవకాశం దక్కనుందని ప్రచారం జరుగుతోంది. ఆసియా కప్‌ వేదికపై అధికారికంగా ఈ నెలాఖరులోగా బయటకు వచ్చే అవకాశం ఉన్నందున, ఐసీసీ ఎలాంటి వైఖరిని తీసుకుంటుందో వేచిచూడాలి.
- Advertisement -