హైదరాబాద్ బంజారహిల్స్ లో స్పా అండ్ సెలూన్ ముసుగులో వ్యభిచారం నిర్వహిస్తున్న వారి గుట్టు రట్టయింది. బంజారాహిల్స్‌ రోడ్‌ నెం 10లోని గౌరీశంకర్‌ కాలనీలో వీ.ఎన్‌. బ్యూటీ స్టూడియో ముసుగులో వ్యభిచారం నిర్వహిస్తున్నట్లు సమాచారం అందుకున్న బంజారాహిల్స్‌ ఎస్‌ఐ డి.అజయ్‌కుమార్‌ ఆధ్వర్యంలో సిబ్బంది దాడులు చేశారు.
సెలూన్, స్పా ముసుగులో వ్యభిచారం పాల్పడుతున్న కిమ్‌పై కేసు నమోదు చేశారు పోలీసులు. ఇక్కడ సీసీ కెమెరాలు ఏర్పాటు చేయకపోగా ప్రొఫెషనల్‌ థెరపిస్ట్‌ కూడా లేడని ఎలాంటి గుర్తింపు కార్డు లేకుండా కొనసాగుతోందని.. మసాజ్‌ కోసం సెక్స్‌ వర్కర్‌ను నియమించుకున్నట్లు గుర్తించారు. కిమ్‌తో పాటు కొడుకు కాంతిలాల్‌పై కేసు నమోదు చేశారు. కిమ్‌ పరారీలో ఉన్నాడని పోలీసులు తెలిపారు. వ్యభిచార గృహ నిర్వాహకుడు ఎ. వేణుగోపాల్, స్పా మేనేజర్‌ ఎన్‌.రాకేష్‌, ఎ.సురేందర్‌రాజులపై కేసు నమోదు చేశారు. ఇక్కడ నలుగురు సెక్స్‌ వర్కర్లను అదుపులోకి తీసుకొని బాలిక సంరక్షణా కేంద్రాలకు తరలించారు. వివిధ ప్రాంతాల నుంచి సెక్స్‌ వర్కర్లను తీసుకొస్తూ ఈ అక్రమ దందాకు పాల్పడుతున్నట్లుగా పోలీసులు గుర్తించారు.
ఇది కూడా చదవండి: ఆ దుర్మార్గున్ని అరెస్ట్ చేశారు..