చీర‌క‌ట్టుతో ఫుట్ బాల్ ఆడిన.. మ‌హిళ‌లు

చీర‌క‌ట్టుతో ఫుట్ బాల్ ఆడారు ప‌లువురు మ‌హిళ‌లు. సాధారణంగా మహిళలు ఫుట్ బాల్ ఆడటమే చాలా తక్కువగా చూస్తుంటాం. అలాంటిది వారు ఏకంగా చీరలు కట్టుకొని.. కాళ్లకు స్నీకర్స్ ధరించి అదరగొట్టేశారు. ఈ సంఘటన గ్వాలియర్ లో చోటుచేసుకుంది.. గ్వాలియర్ లో కొందరు మహిళలు ఫుట్ బాల్ ఆడారు. వీడియో చిన్నదే అయినప్పటికీ.. వారు ఆట ఆడిన తీరుకు అందరూ ఫిదా అయిపోతున్నారు. అదరగొట్టేశారంటూ నెటిజన్లు కామెంట్ల వర్షం కురిపిస్తున్నారు. ఆ వీడియోలో కనిపించే మహిళలంతా 25 నుంచి 50ఏళ్ల వయసు వారు కావడం విశేషం. ఈ రోజుల్లో అమ్మాయిలు చీర కట్టుకొని సరిగా నడవడం కూడా రాక ఇబ్బందిపడుతున్నారు. అలాంటిది మహిళలంతా కలిసి చీర‌క‌ట్టులో ఫుట్ బాల్ ఆడ‌టం గ్రేట్ అంటున్నారు నెటిజ‌న్స్.