భారత క్రికెట్ టీంలో యంగ్ అండ్ టాలెంటెడ్ బ్యాట్స్‌మెన్ శుభ్మన్ గిల్.. అప్ క‌మింగ్ సూపర్ హీరో మూవీ స్పైడర్ మ్యాన్ అక్రాస్ ది స్పైడర్ వెర్స్‌లో.. స్పైడర్ మ్యాన్ కోసం తన వాయిస్ ను అందించాడు. ఈ సినిమా దాదాపు 10 భాషల్లో రిలీజ్ అవుతుండ‌గా.. ఇందులో హిందీ, పంజాబీ వెర్షన్‌లకు శుభ్‌మాన్ డబ్బింగ్ చెప్పారు. భారతదేశంలో స్పైడర్ మ్యాన్ అక్రాస్ ది స్పైడర్ వెర్స్‌ను విడుదల చేస్తున్న ప్రముఖ డిస్ట్రిబ్యూషన్ హౌస్ సోనీ పిక్చర్స్ ఇండియా, ఈరోజు శుభ్మన్ గిల్‌తో కూడిన ప్రత్యేక ప్రకటన వీడియోను విడుదల చేసింది.
హాలీవుడ్ ఫ్రాంచైజీకి డబ్బింగ్ చేసిన మొదటి భారతీయ క్రికెటర్ గా శుభ్మన్ గిల్ నిలిచారు. కాగా, స్పైడర్ మ్యాన్ ఎక్రాస్ ది స్పైడర్ వెర్స్ జూన్ 2న ఇంగ్లీష్, హిందీ, తమిళం, తెలుగు, కన్నడ, మలయాళం, గుజరాతీ, మరాఠీ, పంజాబీ, బెంగాలీతో సహా భారతదేశంలోని దాదాపు 10 భాషల్లో విడుదల కానుంది.
