మైనర్ బాలికపై లైంగిక దాడి.. బాలల దినోత్సవం రోజే చిన్నారి మృతి…

మైనర్ బాలికపై మానవ మృగం లైంగికదాడికి పాల్ప‌డ్డాడు. సూర్యాపేట జిల్లా తొండ తిరుమలగిరిలో ఘటన చోటుచేసుకుంది. బాలల దినోత్సవం రోజే బాలిక మృతి చెంద‌డంతో ఈ విష‌యం వెలుగులోకి వ‌చ్చింది. వివ‌రాలు ఇలా ఉన్నాయి.. దసరా తెల్లారి ఓ కామాంధుడు మైన‌ర్ బాలిక‌పై లైంగిక దాడికి పాల్ప‌డ్డాడు. బాలిక పరిస్థితి విషమంగా మారడంతో హైదరాబాద్ ఆస్పత్రిలో చికిత్స అందిస్తున్నారు. నెల రోజులకు పైగా చికిత్స పొందుతూ హైదరాబాద్ లో సోమవారం బాలిక మృతి చెందింది. బాలిక మృతి చెంద‌డంతో ఈ ఘ‌ట‌న‌కు సంబంధించిన వివ‌రాలు బ‌య‌ట‌కు వ‌చ్చాయి. నెల రోజులుగా సమాచారం బయటికి పొక్కకుండా జాగ్రత్త తీసుకున్న‌ట్లు తెలుస్తోంది. లైంగిక దాడికి పాల్ప‌డిన వ్య‌క్తి తిరుమలగిరిలోని ఓ ప్రవేటు షోరూంలో పనిచేస్తుట్లు తెలుస్తోంది. ప్రస్తుతం హైదరాబాద్ ఆస్పత్రికి తిరుమలగిరి పోలీసులు చేరుకున్నారు. వివ‌రాలు సేక‌రిస్తున్నారు.