గోతెన్ బర్గ్ – స్వీడన్ .. సెక్స్ ను క్రీడగా గుర్తించిన తొలి దేశంగా స్వీడన్ చరిత్రలో నిలిచిపోనుంది. అంతటితో ఆగిపోలేదు. ఇంకో అడుగు ముందుకు వేసింది. మొదటి యూరోపియన్ సెక్స్ ఛాంపియన్ షిప్ పేరిట ఈ నెల 8 నుంచి గోతెన్ బర్గ్ లో పోటీలు నిర్వహించనుంది. స్వీడన్ సెక్స్ ఫెడరేషన్ మార్గదర్శకాలకు అనుగుణంగా క్రీడా పోటీలు నిర్వహించనున్నారు.
మొత్తం ఆరు వారాల పాటు పోటీలు జరుగుతాయి. మొత్తం 16 రకాల విభాగాల్లో (డిసిప్లెన్స్) సెక్స్ క్రీడల పోటీలు నిర్వహిస్తారు. సమ్మోహనం, ఓరల్ సెక్స్, ఓర్పు, బాడీ మర్థన, ఫోర్ ప్లే ఇలా ఎన్నో విభాగాలను ఖరారు చేశారు. ప్రతి రోజూ ఆరు గంటల పాటు క్రీడా సెషన్ లు ఉంటాయి. విడిగా ఒక్కో మ్యాచ్ 45 నిమిషాల నుంచి 60 నిమిషాల పాటు ఉంటుంది. ఇప్పటి వరకు వివిధ దేశాల నుంచి 20 మంది పోటీల్లో పాల్గొనేందుకు పేర్లు నమోదు చేసుకున్నారు. విజేతను ముగ్గురు న్యాయమూర్తులతో కూడిన ప్యానెల్ నిర్ణయిస్తుంది.
పోటీలు చూసేందుకు ప్రేక్షకులను కూడా అనుమతించనున్నారు. విజేతల ఎంపికలో ప్రేక్షకుల పాత్ర కూడా ఉంటుంది. ఇద్దరి మధ్య కెమెస్ట్రీ, సెక్స్ పట్ల ఉన్న పరిజ్ఞానం తదితర అంశాలు తుది విజేతను నిర్ణయించనున్నాయి. భారతీయ కామసూత్ర పట్ల మంచి అవగాహన ఉన్న వారికి బోనస్ పాయింట్లు లభిస్తాయి. ఇతర క్రీడల మాదిరే సెక్స్ లోనూ మంచి ఫలితాలు సాధించాలంటే తగిన శిక్షణ అవసరమని, అప్పుడే ఈ క్రీడలో పోటీ పడగలరని స్వీడిస్ సెక్స్ సమాఖ్య చైర్మన్ డ్రాగన్ బ్రాటిచ్ పేర్కొన్నారు. ఈ పోటీల‌లో పాల్గొనే జంటలు ఇప్ప‌టికే ట్రైనింగ్ సెషన్ ను ప్రారంభించ‌డం విశేషం..