ముంబై జూహు హాస్ప‌ట‌ల్ లో – క‌న్నుమూసిన సీనియ‌ర్ న‌టి విద్యాసిన్హా

గుండె..ఊపిరితిత్తుల సంబందిత వ్యాధితో బాధ‌ప‌డుతూ బాలీవుడ్ సీనియ‌ర్ న‌టి విద్యా సిన్హా క‌న్నుమూశారు. రజనీగంధ’, ‘చోటీ సీ బాత్’, ‘పతి పత్నీ ఔర్ వో’ వంటి చిత్రాలతో గుర్తింపు పొందారామె . ఈమె వ‌య‌సు 71సంవ‌త్స‌రాలు. విద్యా సిన్హా 18 సంవత్సరాల వయస్సులో మోడల్ తన కెరీర్‌ను ప్రారంభించారు. అనంతరం రజనిగంధ, ఛోటీ సీ బాత్ వంటి చిత్రాలతో నటించి మంచి గుర్తింపు తెచ్చుకుంది. సినిమాల నుంచి కొంత విరామం తీసుకున్న ఈ నటి సల్మాన్ ఖాన్ మూవీ బాడీగార్డ్‌తో సినిమాల్లోకి తిరిగి వచ్చింది. అనంతరం పలు టీవీ షోల్లోనూ నటించారు. అయితే.. ఈ న‌టి పెళ్లి తర్వాతే సినిమా రంగంలోకి అడుగుపెట్టడం విశేషం. ముంబైలోని జుహూ హాస్పిటల్ కన్నుమూశారు. ఈ నటి గత కొంతకాలంగా గుండె, ఊపిరితిత్తుల సంబంధిత వ్యాధితో బాధపడుతున్నారు. ఊపిరితిత్తుల సమస్య కారణంగా విద్యా గతవారం ఆసుప్రతిలో చేరారు. మొదట ఇంటెన్సివ్ కేర్ యూనిట్ (ICU)లో ఉంచారు. అనంతరం చికిత్స పొందుతూ హాస్పిటల్‌లోనే మరణించారు.