కొత్త సినిమాలు, కొత్త వెబ్ సిరీస్‌లను అందిస్తున్న ఆహా ఓటీటీ ప్రేక్షకులకు మరో వెబ్ సిరీస్‌ను అందుబాటులోకి తేనుంది. అన్నపూర్ణ స్టూడియోస్‌తో కలిసి సంయుక్తంగా నిర్మించిన ‘ది బేకర్ అండ్ ది బ్యూటీ’ వెబ్ సిరీస్ ట్రైలర్‌ను ఆహా విడుదల చేసింది. ఈ సిరీస్‌ను ‘అమరం అఖిలం ప్రేమ’ ఫేమ్ జొనాథన్ ఎడ్వర్డ్స్ డైరెక్ట్ చేశారు. రొమాన్స్, ఎమోషన్స్ హైలెట్‌గా తెరకెక్కుతున్న ఈ సిరీస్‌లో యంగ్ అండ్ టాలెంటెడ్ హీరో సంతోష్ శోభన్, టీనా శిల్పరాజ్, వెంకట్, ఝాన్సీ మెయిన్ లీడ్స్‌గా నటిస్తున్నారు. ఈ సిరీస్‌తో సంతోష్ శోభన్ డిజిటల్ ఎంట్రీ ఇస్తున్నాడు.
ఇటీవల పాపులర్ అయిన యాంకర్ విష్ణు ప్రియ కూడా ఈ వెబ్ సిరీస్‌లో నటిస్తోంది. ఆమె ఇందులో మహి క్యారెక్టర్ పోషిస్తోంది. ‘ఈ విజ్జు గాడు నాకు ప్రపోజ్ చేస్తాడా, లేదా..?’ అనే కన్ఫ్యూజన్‌తో ‘మహి’ ఉన్నట్లు చూపించారు. వినాయక చవితి కానుకగా సెప్టెంబర్ 10 నుంచి ‘ఆహా’ లో ‘ది బేకర్ & ది బ్యూటీ’ సిరీస్ స్ట్రీమింగ్ కానుంది. కాగా ఇటీవల తరగతి గది దాటి, కుడి ఎడమైతే వంటి విజయవంతమైన వెబ్ సిరీస్‌లను ఆహా అందించింది.
