సంక్రాంతి బ‌రిలో బాల‌కృష్ణ‌.. జ‌న‌వ‌రి 12న వీర‌సింహారెడ్డి

సంక్రాంతి బ‌రిలో నిలిచారు హీరో బాల‌కృష్ణ‌. ఆయ‌న తాజా చిత్రం వీర సింహా రెడ్డి. తొలుత డిసెంబర్ నెలలో విడుదల చేయాలని అనుకున్నారు. గోపీచంద్ మలినేని తెరకెక్కిస్తున్న ఈ చిత్రంలో హీరోయిన్ గా శృతిహాసన్ న‌టిస్తోంది. అయితే… చిత్రీకరణ అనుకున్న విధంగా కంప్లీట్ కాక‌పోవ‌డంతో సంక్రాంతికి వెళ్ళారు. ఈ సినిమా విడుదల తేదీ వెల్లడించారు. జనవరి 12న వీర సింహా రెడ్డి చిత్రాన్ని థియేటర్లలో విడుదల చేస్తామని మైత్రీ మూవీ మేకర్స్ సంస్థ వెల్లడించింది. ముందు నుంచి ఈ తేదీకి సినిమా వస్తుందనేది తెలిసిందే. కాకపోతే శ‌నివారం అధికారికంగా వెల్లడించారు. అఖండ వంటి భారీ బ్లాక్ బస్టర్ తర్వాత నందమూరి బాలకృష్ణ నుంచి వస్తున్న సినిమా కావడంతో వీర సింహా రెడ్డి సినిమాపై భారీ అంచనాలు నెలకొన్నాయి.