న్యూఢిల్లీ, ఆంధ్రప్రభ : దేశ రాజధాని ఢిల్లీలో సామూహిక వరలక్ష్మి వ్రతం కన్నులపండువగా జరిగింది. శుక్రవారం సాయంత్రం న్యూఢిల్లీ మందిర్ మార్గ్ లోని తిరుమల తిరుపతి దేవస్థానం వారి శ్రీ వెంకటేశ్వర స్వామి సన్నిధిలో వరలక్ష్మి వ్రతం నిర్వహించారు.
తిరుమల నుంచి వచ్చిన వేద పండితుల ఆధ్వర్యంలో జరిగిన సామూహిక వరమహాలక్ష్మి వ్రతంలో పెద్దసంఖ్యలో తెలుగు వారు, ఉత్తరాది భక్తులు పాల్గొన్నారు. అమ్మవారి నామస్మరణతో ఆలయ ప్రాంగణం మార్మోగింది. పూజా కార్యక్రమాల అనంతరం భక్తులకు శ్రీవారి మహాప్రసాదాన్ని వితరణ చేశారు.
