సాయి ధ‌ర‌మ్ తేజ్ 15వ చిత్రం-క‌థ..స్క్రీన్ ప్లే అందిస్తోన్న సుకుమార్‌

రోడ్డు యాక్సిడెంట్ త‌ర్వాత హీరో సాయిధ‌ర‌మ్ తేజ్ కొత్త చిత్రంలో న‌టిస్తున్నాడు. ఇది తేజ్ కి 15వ చిత్రం.ఈ చిత్రానికి ‘భమ్ బోలేనాథ్’ ఫేమ్ కార్తీక్ వర్మ దండు దర్శకత్వం వహిస్తున్నారు. స్టార్ డైరక్టర్ సుకుమార్ ఈ సినిమా నిర్మాణ భాగస్వామిగా ఉండటంతో పాటుగా.. కథ – స్క్రీన్ ప్లే అందిస్తుండటం విశేషం.సుకుమార్ వంటి స్టార్ డైరక్టర్ అందిస్తున్న కథతో తేజ్ మొదటిసారి ఇలాంటి జోనర్‌లో సినిమా చేస్తుండటం ఆసక్తికరం అని చెప్పాలి. శ్రీ వెంకటేశ్వర సినీ చిత్ర బ్యానర్ పై సుకుమార్ రైటింగ్స్‌ తో కలిసి బీవీఎస్ఎన్ ప్రసాద్ నిర్మిస్తున్నారు. ఈ సినిమా మిస్టికల్ యాక్షన్ థ్రిల్లర్ కథాంశంతో తెరకెక్కుతుంద‌ట‌. చేతబడి ( బ్లాక్ మ్యాజిక్) నేపథ్యంలో కథ, కథనాలు సాగుతాయని సమాచారం. చేతబడికి బలవుతూ అనుమానాస్పదంగా మరణిస్తున్న ఓ గ్రామానికి, ముంబై నుంచి వచ్చే ఇంజనీర్ పాత్రలో సాయి తేజ్ కనిపించనున్నట్టు తెలుస్తోంది. ఈ మిస్టీరియస్ సంఘటనలను హీరో ఎలా ఛేదిస్తాడు.. ఆ సమస్యలను ఎలా పరిష్కరిస్తాడు.. అనే ఇతివృత్తంతో ఈ కథ..నడుస్తుందని అని టాక్ వినిపిస్తోంది. ఈ సినిమాకు సంబంధించిన అనౌన్స్‌మెంట్ పోస్టర్‌తోనే డిఫరెంట్ జోనర్‌లో థ్రిల్లింగ్ ఎలిమెంట్స్‌తో తెరకెక్కుతున్న సినిమా అని చిత్ర టీమ్ హింట్ ఇచ్చింది.