టీ20 ప్రపంచకప్‌లో భాగంగా ఈరోజు జరిగిన తొలి సూపర్ 8 మ్యాచ్‌లో దక్షిణాఫ్రికా విజయం సాధించింది. తొలుత బ్యాటింగ్ చేసిన దక్షిణాఫ్రికా 20 ఓవర్లలో 4 వికెట్ల నష్టానికి 194 పరుగుల భారీ స్కోరు చేసింది. క్వింటన్ డి కాక్ జట్టుకు అద్భుత ఆరంభాన్ని అందించాడు.. కేవలం (40 బంతుల్లో 74 పరుగులు) అర్థ శ‌త‌కంతో చెల‌రేగాడు. కెప్టెన్ ఐడెన్ మార్క్రమ్ (32 బంతుల్లో 46), హెన్రిచ్ క్లాసెన్ (36 నాటౌట్), ట్రిస్టన్ స్టబ్స్ (20 నాటౌట్) పరుగులతో రాణించారు.
ఇక 195 పరుగుల భారీ ఛేదనలో అమెరికా జ‌ట్టు పోరాడి 18 పరుగుల తేడాతో ఓడిపోయింది. యూఎస్ఏ బ్యాటర్లలో వికెట్ కీపర్-బ్యాటర్ ఆండ్రియాస్ గౌస్ (47 బంతుల్లో 80 పరుగులు నాటౌట్) ఒంటరి పోరాటం చేశాడు. హర్మీత్ సింగ్ (38) రాణించాడు. కానీ మిగిలిన వారు భారీ ఎత్తులో రాణించలేకపోయారు. దీంతో అమెరికాకు ఓటమి తప్పలేదు.