గ్లోబల్ సెర్చింజన్ దిగ్గజం గూగుల్‌కు రష్యా భారీ షాకిచ్చింది. స్థానిక చట్టాలకు అనుగుణంగా నియంత్రిత కంటెంట్‌ను డిలీట్‌ చేయని కారణంగా గూగుల్‌కు 100 మిలియన్‌ డాలర్లు(దాదాపు రూ.750 కోట్లు) విధిస్తూ రష్యా తగన్‌స్కీ డిస్ట్రిక్ట్‌ కోర్ట్‌ ఈ తీర్పు ఇచ్చింది. నిషేధిత కంటెంట్‌పై ఆంక్షలు ఉన్నప్పటికీ.. అభ్యంతరకరమైన కంటెంట్‌ను డిలీట్‌ చేయలేదు. అందుకే జరిమానా విధిస్తున్నామని కోర్ట్‌ స్పష్టం చేసింది. అయితే ఈ తీర్పుపై స్పందించిన గూగుల్.. కోర్ట్‌ ఆదేశాలను పరిశీలించనున్నామని తెలిపింది. పరిశీలన అనంతరమే తదుపరి చర్య ఉంటుందని వెల్లడించింది.
కాగా గతేడాదికాలంగా ఇంటర్నెట్‌ మీడియాపై రష్యా ప్రభుత్వం ఒత్తిడి పెంచుతోంది. నార్కోటిక్స్‌, ఆయుధాలు, పేలుడు పదార్థాలకు సంబంధించిన కంటెంట్‌పై నిషేధం విధించింది. ఈ తరహా కంటెంట్‌ను తొలగించాలని ఇంటర్నెట్‌ మీడియాను కోరుతోంది.
లోక‌ల్ టు గ్లోబల్.. ప్రభన్యూస్ కోసం ఫేస్‌బుక్‌, ట్విట‌ర్ పేజీల‌ను ఫాలో అవ్వండి..
#AndhraPrabha #AndhraPrabhaDigital