బంగారం అంటే మగువలకు ఎంత ఇష్టమో ప్రత్యేకంగా చెప్పన్నక్కర్లేదు. అలాగే దేశంలో బంగారానికి ఉన్న డిమాండ్‌ దేనికి ఉండదు. కాగా గత కొన్ని రోజులుగా బంగారం ధరలు తగ్గుతూ పెరుగుతూ వస్తున్నాయి. ఇవాళ మరోసారి ధరలు పెరిగాయి. అంతర్జాతీయ మార్కెట్‌లో బంగారం ధరలు కిందికి కదలడంతో… బులియన్ మార్కెట్‌లోనూ దాని ప్రభావం స్పష్టంగా కనిపించింది. హైదరాబాద్‌లో 24 క్యారెట్ల 10గ్రాముల బంగారం ధర రూ. 110 పెరిగి రూ. 48,000 కు చేరగా.. 22 క్యారెట్ల 10 గ్రాముల బంగారం ధర రూ. 100 పెరిగి రూ. 44,000కు చేరింది.
ఇక వెండి ధరలు కూడా పెరిగాయి. కిలో వెండి ధర రూ. 200 పెరిగి రూ. 74,200 వద్ద కొనసాగుతోంది.