ఆర్సీబీ అభిమానుల 17 సంవత్సరాల కల నెరవేరింది. ఐపీఎల్‌లో ప్రతి సీజన్‌ మొదలయ్యే ముందు ‘ఈ సాలా కప్‌ నమ్దే’ అంటూ హంగామా చేసి.. చివ‌రికి నిరాశకే గురౌతుండగా.. ఉమెన్స్‌ ప్రీమియర్‌ల లీగ్‌ (డబ్ల్యూపీఎల్) రెండో సీజన్‍‍లోనే టైటిల్ సాధించి ట్రోఫీ కలను నెరవేర్చారు అమ్మాయిలు. డబ్ల్యూపీఎల్ – 2024 ఫైనల్‌ పోరులో ఢిల్లీ క్యాపిటల్స్‌ను 8 వికెట్ల తేడాతో ఓడించిన ఆర్సీబీ ఛాంపియన్స్‌గా తొలిసారి ట్రోఫీని సొంతం చేసుకుంది.
ఫైనల్‍లో ముందుగా బ్యాటింగ్ చేసిన ఢిల్లీ క్యాపిటల్స్ జట్టు 20 ఓవర్లలో 113 పరుగులకే కుప్పకూలింది. ఓ దశలో 7 ఓవర్లలో 64 పరుగులతో పటిష్టంగా ఉన్న ఢిల్లీ ఒక్కసారిగా ఢమాల్ అయింది. బెంగళూరు బౌలర్ బౌలర్ సోఫీ మోలినెక్స్ ఒకే ఓవర్లో మూడు వికెట్లు తీసి మ్యాచ్‍ను మలుపు తిప్పారు. ఈ స్వల్ప లక్ష్యాన్ని 3 బంతులు మిగిల్చి గెలిచింది బెంగళూరు. 19.3 ఓవర్లలో 2 వికెట్లు కోల్పోయి 115 రన్స్ చేసి విజయం సాధించింది.