రావ‌ణాసుర ట్రైల‌ర్ రిలీజ్ కి.. ముహూర్తం ఫిక్స్

యాక్ష‌న్ థ్రిల్ల‌ర్ సినిమాగా ప్రేక్ష‌కుల ముందుకు రానుంది రావ‌ణాసుర. ఈ చిత్రంలో మాస్ మ‌హ‌రాజ్ రవితేజ హీరోగా న‌టిస్తుండ‌గా సుధీర్‌ వర్మ తెర‌కెక్కిస్తున్నాడు. ఈ మూవీను ఏప్రిల్‌ 7న ప్రేక్షకుల ముందుకు తీసుకురావాలని మేకర్స్‌ సన్నాహాలు చేస్తున్నారు.కాగా తాజాగా ఈ సినిమా ట్రైలర్‌ డేట్‌ను ప్రకటించారు. రావణాసుర ట్రైలర్‌ను మార్చి 28న రిలీజ్‌ చేస్తున్నట్లు పోస్టర్‌ను రిలీజ్‌ చేశారు. సైకలాజికల్‌ యాక్షన్‌ థ్రిల్లర్‌ నేపథ్యంలో తెరకెక్కుతున్న ఈ సినిమాలో రవితేజ నెగెటీవ్‌ షేడ్స్ ఉన్న క్యారెక్టర్‌ చేస్తున్నాడు. ర‌వితేజ‌కు జోడీగా అను ఇమాన్యూయేల్‌, మేఘా ఆకాశ్‌, ఫ‌రియా అబ్దుల్లాలు న‌టిస్తున్నారు. అక్కినేని సుశాంత్‌ కీలకపాత్రలో నటిస్తున్నాడు. అభిషేక్ అగ‌ర్వాల్ ఆర్ట్స్ బ్యాన‌ర్‌తో క‌లిసి ర‌వితేజ ఆర్‌టీ టీం వ‌ర్క్స్ బ్యాన‌ర్‌పై స్వీయ నిర్మాణంలో ఈ సినిమాను తెర‌కెక్కిస్తున్నాడు.