సాధారణంగా పార్ల‌మెంట్ అంటే ఎంత సెక్యూరిటీ ఉంటుంది. కానీ పార్ల‌మెంట్‌కు వ‌చ్చిన ఎంపీలంతా ఉరుకులు పరుగులు పెడుతుంటే అంతా ఏదో అనుకున్నారు. ఎవ‌రైనా దాడి చేస్తున్నారేమో అని భ‌య‌ప‌డ్డారు. కానీ ఎంపీలను ఉరికించింది ఓ ఎలుక మాత్ర‌మే అని తెలిసి త‌ర్వాత న‌వ్వుకున్నారు. మరి పార్లమెంట్లో ఎలుక చేసిన హంగామా అంతా ఇంతా కాదు.
స్పెయిన్‌ పార్లమెంట్లో బుధవారం ఈ సంఘ‌ట‌న జ‌రిగింది. స‌భ్యులంతా సీరియ‌స్‌గా ఓ అంశంపై ఓటింగ్‌కు రెడీ అవుతుండ‌గా ఎలుక అంద‌ర్నీ పరుగులు పెట్టించింది. దీనికి సంబంధించి ప్ర‌ముఖ అంత‌ర్జాతీయ వార్తా సంస్థ రాయిట‌ర్స్ ట్విట్టర్‌లో ఓ వీడియోను షేర్ చేసింది.
ఈ వార్త కూడా చదవండి: ‘RRR’లో ఎన్టీఆర్ ముస్లిం టోపీ ఎందుకు ధరించాడో తెలుసా?