తమిళ స్టార్ హీరో టాలీవుడ్ ద‌ర్శ‌కుడు వంశీ పైడిప‌ల్లి డైరెక్ష‌న్ లో న‌టిస్తోన్న చిత్రం వారసుడు. తమిళంలో వారిసుగా రూపొంద‌నుంది. ఫ్యామిలీ యాక్షన్ ఎంటర్‌టైనర్‌గా తెరకెక్కిన ఈ చిత్రాన్ని శ్రీ వెంకటేశ్వర క్రియేషన్స్ పతాకంపై దిల్‌ రాజు, శిరీష్‌, నిర్మిస్తున్నారు. ద్విభాషా సినిమాగా రూపొందిన ఈ సినిమాలో విజయ్‌కు జోడీగా ర‌ష్మిక మంద‌న్నా న‌టిస్తుంది. థమన్‌ సంగీతం అందిస్తున్నారు. వారసుడు సినిమా ప్రమోషన్‌లను చిత్ర బృందం స్టార్ట్‌ చేసింది.
ప్రమోషన్‌లో భాగంగా మేకర్స్‌ ఇటీవలే రంజితమే సాంగ్‌ను రిలీజ్‌ చేశారు. థమన్‌ స్వర పరిచిన ఈ పాట ఇప్పటివరకు 70మిలియన్ల వ్యూస్‌ రాబట్టి చార్ట్‌బస్టర్ అయింది. అయితే ఈ సాంగ్ కేవలం తమిళ భాషలోనే రిలీజైంది. కాగా చిత్రబృందం తాజాగా ఈ పాట తెలుగు వెర్షన్ రిలీజ్‌ డేట్‌ను ప్రకటించారు. ఈ పాటను నవంబర్‌ 30న ఉదయం 9:09 నిమిషాలకు విడుదల చేయనున్నట్లు ప్రకటన వచ్చింది. తమిళ వెర్షన్‌ను హీరో విజయ్‌, ఎమ్.ఎమ్ మానసితో కలిసి ఆలపించారు. కాగా తెలుగు వెర్షన్‌ను అనురాగ్‌ కులకర్ణి పాడనున్నారు.