జైపూర్ సవాయ్ మాన్‌సింగ్ క్రికెట్ స్టేడియం వేదికగా ఇవ్వాల (ఆదివారం) మధ్యాహ్నం రాజస్థాన్ రాయ‌ల్స్, రాయ‌ల్ ఛాలెంజ‌ర్స్ బెంగ‌ళూరు జ‌ట్ల మ‌ధ్య మ్యాచ్ జరిగింది. ఈ 60వ మ్యాచ్ లో ఆర్సీబీ ఘన విజయం సాదించింది. రాజస్థాన్ రాయ‌ల్స్ పై 112 ప‌రుగుల భారీ తేడాతో గెలుపొందింది. మొద‌ట బ్యాటింగ్ చేసిన ఆర్సీబీ నిర్ణీత ఓవర్లలో 5 వికెట్ల నష్టానికి171 పరుగులు చేయగా.. ల‌క్ష్య ఛేద‌న‌లో రాజస్థాన్ బ్యాట‌ర్లు చేతులెత్తేశారు.
దీంతో 10.3 ఓవర్లలోనే రాజస్థాన్ జట్టు 59 పరుగులు మాత్రమే చేసి 10 వికెట్లు కోల్పోయింది. ఆర్సీబీ బౌలర్లలో మహ్మద్ సిరాజ్, గ్లెన్ మాక్స్‌వెల్ చెరో వికెట్ తీసుకోగా.. కర్ణ్ శర్మ, మైఖేల్ బ్రేస్‌వెల్ తలా రెండు వికెట్లు సోంతం చేసుకున్నారు. ఇక అత్యధికంగా వేన్ పార్నెల్ 3 వికెట్లు సొంతం చేసుకున్నాడు.