అస్సాంలో యూనివ‌ర్సిటీ స్టూడెంట్‌పై ర్యాగింగ్‌.. త‌ట్టుకోలేక ఆత్మ‌హ‌త్యా య‌త్నం!

ర్యాగింగ్ త‌ట్టుకోలే అస్సాంలోని దిబ్రూగఢ్ యూనివర్సిటీ విద్యార్థి ఆత్మహత్యాయత్నానికి పాల్పడ్డాడు. యూనివర్సిటీ భవనం రెండో అంతస్తు నుంచి విద్యార్థి ఆనంద్ శర్మ దూకేశాడు. ప్రస్తుతం విద్యార్థి పరిస్థితి విషమంగా ఉంది. ఈ ఘటనపై సీఎం హిమంత బిశ్వ శర్మ స్పందించారు. ర్యాగింగ్‌కి పాల్పడి జీవితాలను నాశనం చేసుకోవద్దని సూచించారు. కాగా, నాలుగు నెలలుగా ఆనంద్‌ని ర్యాగింగ్ పేరుతో శారీరకంగా, మానసికంగా వేధిస్తున్నారని బాధిత తల్లిదండ్రులు ఫిర్యాదు చేశారు. ఈ మేరకు ఘటనతో సంబంధమున్న ఐదుగురిని పోలీసులు అరెస్టు చేశారు.