బ్యాడ్మింట‌న్ వరల్డ్ ఫెడ‌రేష‌న్ (BWF) ఆధ్వ‌ర్యంలో ఇవ్వాల (ఆదివారం) మాడ్రిడ్‌లో వరల్డ్ టూర్ సూపర్ 300 ఈవెంట్ జ‌రిగింది. స్పెయిన్ మాస్టర్స్ మహిళల సింగిల్స్ ఫైనల్‌లో భారత క్రీడాకారిణి పి.వి.సింధు, ఇండోనేషియా ప్లేయ‌ర్‌ గ్రెగోరియా మరిస్కా టుంజంగ్‌పై ఓట‌మిచెందింది. సింధు, తుంజంగ్‌పై 7-0 హెడ్-టు-హెడ్ ఆధిక్యంతో ఫైనల్‌కు చేరుకుంది. అయితే.. ఇండోనేషియాకు చెందిన గ్రెగోరియా కేవలం 29 నిమిషాల్లోనే 21-8, 21-8తో సింధూని చిత్తుగా ఓడించి టైటిల్‌ కైవసం చేసుకుంది. తుంజంగ్ అంత‌కుముందు రియో ఒలింపిక్ స్వర్ణ పతక విజేత కావ‌డం గ‌మ‌నార్హం..
అయితే.. ఒక్క గేమ్‌ తగ్గకుండా ఫైనల్‌కు చేరిన సింధు.. ఓపెనర్‌లో తున్‌జంగ్ 5-1 ఆధిక్యంలోకి వెళ్లడంతో ఆమె షాట్‌లను సమయానికి పట్టుకోవడంలో ఇబ్బంది పడింది. ఇండోనేషియా ప్రత్యర్థి తన అత్యున్నత డౌన్-ది-లైన్ స్మాష్‌లతో ఐదు పాయింట్ల (11-6) ఆధిక్యంతో విరామానికి వెళ్లారు. టున్‌జంగ్ ఆమెను కలవరపెడుతుండడంతో సింధుకు పరిస్థితులు మెరుగుపడలేదు. వెంటనే, ఇండోనేషియా తన ఆధిక్యాన్ని 10 పాయింట్లకు (17-7) విస్తరించింది.