సుకుమార్ దర్శకత్వంలో ఐకాన్ స్టార్ అల్లు అర్జున్ నటిస్తున్న మూవీ పుష్ప-2. ఈ సినిమా కోసం తెలుగు ప్రేక్షకులతో పాటు దేశవ్యాప్తంగా ఉన్న సినీ అభిమానులు కూడా ఎదురుచూస్తున్నారు. ఇదిలా ఉండగా, ఎంతో ప్రతిష్టాత్మకంగా రూపొందుతున్న ఈ పాన్ ఇండియన్ మూవీ నుండి ఫస్ట్ సింగిల్ ఫుల్ లిరికల్ వీడియోను మేకర్స్ విడుదల చేశారు.
‘‘పుష్ప పుష్ప’’ అంటూ సాగే ఈ పాట సినిమాపై మరింత హైప్ క్రియేట్ చేసింది. ఇక, ఈ పాటకు చంద్రబోస్ లిరిక్స్ అందించగా.. రాక్ స్టార్ దేవిశ్రీ ప్రసాద్ అదిరిపోయే మ్యూజిక్ అందించారు. పుష్ప 2 ఆగస్టు 15 స్వాతంత్ర్య దినోత్సవం సందర్భంగా విడుదల కానుంది. ఇందులో రష్మిక మంధాన కథానాయికగా నటిస్తోంది.