పాన్ ఇండియా స్టార్ ప్రభాస్ హీరోగా పలు భారీ సినిమాలు చేస్తున్న సంగతి తెలిసిందే. వాటిలో ఒక్క‌టైన “ఆదిపురుష్” ప్రస్తుతం రిలీజ్ కి సిద్ధంగా ఉండగా.. ఈ మూవీ తరువాత “సలార్” రానుంది. ఇక ఈ సినిమాల తరువాత రిలీజ్ రేస్ లో ఉన్న పాన్ వరల్డ్ సినిమా “ప్రాజెక్ట్ కే”. యంగ్ డైరెక్ట‌ర్ నాగ్ ఆశ్విన్ ద‌ర్శ‌క‌త్వం వ‌హిస్తున్న ఈ సినిమా అవుట్ ఆఫ్ ది బాక్స్ కాన్సెప్ట్ తో తెరకెక్కిస్తున్నారు మేక‌ర్స్.
అయితే, షూటింగ్ కూడా దాదాపు కంప్లీట్ అవ్వాడినికి వ‌చ్చింది. కాగా, తాజాగా ఈ సినిమా కొత్త షెడ్యూల్ షూట్ పై లేటెస్ట్ అప్డేట్ ఒక్క‌టి సినీ స‌ర్కిల్ లో చ‌క్క‌ర్లు కొడుతుంది. ఈ నెల 26న షూటింగ్ కోసం ప్రాజెక్ట్ కే సెట్స్ లో ప్రభాస్ అడుగు పెట్టనున్నాడట. అక్కడ నుంచి కొన్ని రోజులు షూట్ కొనసాగనుంది. ఇక ఈ మూవీలో బిగ్ బి అమితాబ్, దీపికా పదుకొనె లాంటి బిగ్ స్టార్స్ నటిస్తున్న సంగతి తెలిసిందే. అలాగే సంతోష్ నారాయణన్ సంగీతం అందిస్తుండగా వైజయంతి మూవీస్ భారీ బడ్జెట్ తో సినిమాని నిర్మాణం వహిస్తున్నారు.