రెండుస్లారు ఒలింపిక్‌ మెడలిస్టు, భారత బ్యాడ్మింటన్‌ దిగ్గజం పీవీ సింధు, థామస్‌ కప్‌ స్టార్‌ హెచ్‌ఎస్‌ ప్రణయ్ ప్రికార్వర్ట్స్‌లో అద్భుతంగా రాణించారు. క్వార్టర్‌ఫైనల్స్‌కి దూసుకెళ్లారు. అన్‌సీడెడ్‌ ప్రణయ్, వరల్డ్‌ నం.4 తైవాన్‌ క్రీడాకారుడు చౌ టిన్‌ చెన్‌ను 21-15, 21-7 తేడాతో వరుస సెట్లలో ఓడించాడు. క్వార్టర్‌ఫైనల్‌కి చేరాడు. ఇండోనేసియా సెవెన్త్‌ సీడ్‌ జోనాటన్‌ క్రిస్టేతో తలపడనున్నాడు. అటు పీవీ సింధు గురువారం జరిగిన ప్రిక్వార్టర్స్‌లో థాయ్‌లాండ్‌ క్రీడాకారిణి పిటయ్‌పోర్న్‌ చైవాన్‌పై 19-21, 21-9, 21-14 తేడాతో విజయం సాధించింది. తొలి గేమ్‌లో ఓడినా, తర్వాతి రెండు గేమ్‌ల్లో ఆధిక్యంతో క్వార్టర్స్‌ చేరింది.
ఒలింపిక్స్‌లో రెండు సార్లు పతకాలు సాధించిన పీవీ సింధు, క్వార్టర్‌ ఫైనల్‌లో తైవాన్‌ క్రీడాకారిణి తై-జు-యింగ్‌తో తలపడనుంది.
మరోవైపు సింగిల్స్‌లో పారుపల్లి కశ్యప్‌ థాయిలాండ్‌ క్రీడాకారుడు కున్లావుట్‌ విటిడ్సర్న్‌ చేతిలో 19-21, 10-21 తేడాతో ఓటమిని చవిచూశాడు. తొలుత సూపర్‌గా ఫైట్‌ చేసిన కశ్యప్‌ ఆతర్వాత చేతులెత్తేశాడు. ఇషికా జైశ్వాల్‌- శ్రీవిద్య గురజాడ జోడీ 12-21, 8-21 తేడాతో ద్విజయంతి ఘని, రిబ్కా సుగిర్టో చేతిలో పరాజయం పాలైంది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.