హైదరాబాద్‌, ఆంధ్రప్రభ : కానిస్టేబుల్‌ పరీక్ష తేదీని మారుస్తున్నట్లు తెలంగాణ రాష్ట్రస్థాయి పోలీస్‌ రిక్రూట్‌మెంట్‌ బోర్డు(టీఎస్‌ఎల్‌పీఆర్బీ) తెలిపింది. ఈ నెల 21న జరగాల్సిన కానిస్టేబుల్‌ ప్రిలిమినరీ పరీక్షను 28న నిర్వహించాలని నిర్ణయించింది. సాంకేతిక కారణాల వల్ల తేదీని మార్చినట్లు బోర్డు వెల్లడించింది. ఈ మేరకు టీఎస్‌ఎల్‌పీఆర్బీ సోమవారం ఒక ప్రకటన విడుదల చేసింవది. రాష్ట్రంలో మొత్తం 15,644 కానిస్టేబుల్‌ పోస్టులకు ఏప్రిల్‌ 25న నోటిఫికేషన్‌ విడుదలైన విషయం తెలిసిందే. మరో 614 ప్రొషిబిషన్‌, ఎక్సైజ్‌ కానిస్టేబుల్‌ పోస్టులకు ఏప్రిల్‌ 28న నోటిఫికేషన్‌ జారీ అయింది. కానిస్టేబుల్‌ పోస్టులకు 6.50 లక్షల మంది దరఖాస్తులు చేసుకున్నట్లు అధికారులు తెలిపారు. కానిస్టేబుల్‌ పరీక్షలకు హైదరాబాద్‌ సహా రాష్ట్రవ్యాప్తంగా 40 పట్టణాల్లో పరీక్షాకేంద్రాలు ఏర్పాటు చేసినట్లు నియామకబోర్డు అధికారులు గతంలోనే తెలిపారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.