సాయంత్రం జాతిని ఉద్దేశించి మాట్లాడనున్న ప్రధాని మోదీ

ప్రధానమంత్రి నరేంద్ర మోదీ నేడు జాతినుద్దేశించి కీలక ప్రసంగం చేయనున్నారు. సోమవారం సాయంత్రం 5 గంటటకు మోదీ దేశ ప్రజలనుద్దేశించి మాట్లాడుతారని పీఎంవో ట్విట్టర్ ద్వారా తెలిపింది. దేశంలో కరోనా రెండో దశ ఉద్ధృతి, వ్యాక్సిన్ల కొరతపై ప్రతిపక్షాల నుంచి విమర్శలు వస్తున్న నేపథ్యంలో మోదీ ప్రసంగం ప్రాధాన్యత సంతరించుకుంది. దేశంలో వ్యాక్సిన్ల కొరతను తీర్చేందుకు ఇటీవల కేంద్రం విదేశీ టీకాలకు మరిన్ని మినహాయింపులు ఇచ్చిన విషయం తెలిసిందే. దీంతో విదేశీ టీకాలపై మోదీ కీలక ప్రకటన ఉండే అవకాశాలు కన్పిస్తున్నాయి.