పవర్ స్టార్ పవన్ కళ్యాణ్ తన పుట్టినరోజు సందర్భంగా అభిమానులకు తొలి కానుక ఇచ్చేశాడు. ఈ మేరకు భీమ్లా నాయక్ సినిమా నుంచి టైటిల్ సాంగ్‌ను హీరో రానా సోషల్ మీడియాలో విడుదల చేశాడు. సెభాష్.. ఆడాకాదు.. ఈడాకాదు.. అమీరోళ్ల మేడా కాదు అంటూ ప్రారంభమయ్యే ఈ పాటలో పవన్ క్యారెక్టర్‌ గురించి తెలిసిపోతుంది.
మాస్‌ను ఆకట్టుకునేలా పవర్ ఫుల్ పాటకు రామజోగయ్య శాస్త్రి సాహిత్యం అందించారు. ఈ పాటను తమన్, శ్రీకృష్ణ పృథ్వీ చంద్ర, రామ్ మిరియాల కలిసి ఆలపించారు. ఈ మూవీకి తమన్ సంగీతం సమకూరుస్తున్నాడు. పవన్ కళ్యాణ్, రానా హీరోలుగా మల్టీస్టారర్ మూవీగా ఈ చిత్రం తెరకెక్కుతోంది. సాగర్.కె.చంద్ర దర్శకత్వం వహిస్తున్న ఈ మూవీని సితార ఎంటర్‌టైన్‌మెంట్స్ పతాకంపై సూర్యదేవర నాగవంశీ నిర్మిస్తున్నాడు. సంక్రాంతి కానుకగా వచ్చే ఏడాది జనవరి 12 భీమ్లానాయక్ ప్రేక్షకుల ముందుకు రానుంది.
