పఠాన్ చిత్రాన్ని బ్యాన్ చేయాల‌ని మధ్యప్రదేశ్ లో ప‌లువురు ఆందోళ‌నికి దిగారు. వీర్‌ శివాజీ గ్రూప్‌’ కార్యకర్తలు ఇండోర్‌లోని ప్రధాన కూడలిలో నిరసన చేపట్టారు. బాలీవుడ్ స్టార్ హీరో షారుక్ ఖాన్ దిష్టిబొమ్మను దహనం చేసి నిరసన తెలిపారు. కాగా ఈ సినిమాపై నిషేధం విధించాల‌ని మధ్యప్రదేశ్ మంత్రి న‌రోత్తం మిశ్రా కోరిన విషయం తెలిసిందే. ఈ మూవీలో కాషాయ దుస్తుల‌ను వాడటం ప‌ట్ల ఆయ‌న అభ్యంత‌రం వ్యక్తం చేశారు.
సినిమాలో కొన్ని అభ్యంత‌ర‌క‌ర సీన్లు ఉన్నాయ‌ని, ఈ సీన్లను మార్చనిప‌క్షంలో మ‌ధ్యప్రదేశ్‌లో పఠాన్ మూవీని బ్యాన్ చేస్తామ‌ని హెచ్చరించారు.యష్‌ రాజ్‌ ఫిలింస్‌ సంస్థ భారీ బడ్జెట్‌తో తెరకెక్కిస్తున్న ఈ చిత్రంలో జాన్‌ అబ్రహాం మరో కీలక పాత్రను పోషిస్తున్నారు. సిద్ధార్థ్‌ ఆనంద్‌ దర్శకత్వం వహిస్తున్నారు. వచ్చే ఏడాది జనవరి 25న ‘పఠాన్’ ప్రేక్షకుల ముందుకు రానుంది.దీపిక ప‌దుకొణే హీరోయిన్ గా న‌టిస్తోంది.