వన్ప్లస్ సంస్థ త‌మ కంపెనీ నుంచి తాజాగా తొలి ఫోల్డెబుల్ స్మార్ట్ఫోన్ ను ఈ నెల 19న అంతర్జాతీయంగా లాంచ్ చేసేందుకు ఏర్పాట్లు చేస్తోంది. అయితే, ఈ ఫోల్డెబుల్ స్మార్ట్ఫోన్ తో పాటు మ‌రో కొత్త స్మార్ట్ఫోన్ ను రిలీజ్ చేసే ప్ర‌య‌త్నాలు కూడా కంపెనీ చేస్తోంది కంపెనీ. వన్ప్లస్ నుంచి త్వ‌ర‌లో మార్కెట్లోకి వన్ప్లస్ 12 రానున్న‌ట్టు తెలుస్తోంది. కాగా, ఈ అప్ క‌మింగ్ స్మార్ట్ఫోన్ కి సంబంధించి పలు ఫీచ‌ర్లు ఇప్ప‌టికే ఆన్ టైలైన్ లో లీక్ అయ్యాయి.. ఆ వివ‌రాలు ఏంటో ఓ సారి లుక్కేద్దాం..
వన్ప్లస్ 12 ఎలా ఉండ‌బొతుంది!?
లీక్ అయిన డేటా ప్రకారం.. వన్ప్లస్ 12 డిజైన్ వన్ప్లస్ 11ని పోలి ఉంటుంది. అంటే ఇందులోసెంటర్ అలైన్డ్ పంచ్ హోల్ కటౌట్, అండర్-డిస్ప్లే ఫింగర్ప్రింట్ స్కానర్, అలర్ట్ స్లైడర్లు వస్తాయని అర్థం చేసుకోవచ్చు. ఇక, ఈ మొబైల్ 6.82 ఇంచ్ ఎల్టీపీఓ డిస్ప్లే తో రానున్న‌ట్టు తెలుస్తోంది. 1440×3126 పిక్సెల్స్, క్యూహెచ్డీ+ రిసొల్యూషన్, 2600 నిట్స్ బ్రైట్నెస్ వంటివి స్క్రీన్కి రిలేటెడ్ ఫీచర్స్గా ఉంటాయని తెలుస్తోంది.
అంతేకాకుండా.. కెమెరా సెటప్లో ఈసారి కంపెనీ భారీ మార్పులే చేసిన‌ట్టు తెలుస్తోంది. ఈ వన్ప్లస్ 12 రేర్లో 50ఎంపీ ప్రైమరీ, 50ఎంపీ అల్ట్రా-వైడ్, 64ఎంపీ ఓమ్నీవిజన్ లెన్స్తో కూడిన ట్రిపుల్ కెమెరా ఉండబోతోందని టాక్ నడుస్తోంది. సెల్ఫీ, వీడియో కాల్స్ కోసం ఇందులో 32ఎంపీ ఫ్రెంట్ కెమెరా ఉండ‌నున్న‌ట్టు తెలుస్తోంది.
అలాగే, ఈ వన్ప్లస్ కొత్త గ్యాడ్జెట్లో స్నాప్డ్రాగన్ 8 జెన్ 3 ప్రాసెసర్ ఉంటుందని రూమర్స్ ఉన్నాయి. 16జీబీ ర్యామ్- 256జీబీ స్టోరేజ్ (బేస్ వేరియంట్) ఉండే అవకాశం ఉందని సమాచారం. ఆండ్రాయిడ్ 14 ఆధారిత ఆక్సీజెన్ఓఎస్14పై ఈ మోడల్ పనిచేస్తుంది. శాటిలైట్ కనెక్టివిటీ కోసం స్నాప్డ్రాగన్ ఎక్స్75 మోడెమ్ వస్తుందని తెలుస్తోంది. ఇక ఈ స్మార్ట్ఫోన్లో 5,400ఎంఏహెచ్ బ్యాటరీ ఉంటుందని, 100వాట్ ఫాస్ట్ ఛార్జింగ్కి ఇది సపోర్ట్ చేస్తుందని, వయర్లెస్ ఛార్జర్ కూడా వస్తుందని పలు లీక్స్ సూచిస్తున్నాయి.
ఈ వన్ప్లస్ కొత్త స్మార్ట్ఫోన్ లాంచ్ ఎప్పుడు..?
కాగా, వన్ప్లస్ 12 కోసం స్మార్ట్ఫోన్ ప్రియులు ఆసక్తిగా ఎదురుచూస్తున్నారు. అయితే.. ఈ మోడల్.. 2023 డిసెంబర్ లేదా 2024 జనవరిలో లాంచ్ అవుతుందని సమాచారం. ఇక ఈ స్మార్ట్ఫోన్ ఫీచర్స్, ధరకు సంబంధించిన ఇతర వివరాలపై అఫిషియ‌న్ అనౌన్స్ మెంట్స్ రావాల్సి ఉంది. త్వరలోనే వీటిపై ఓ స్పష్టత వ‌చ్చే చాన్స్ ఉందని మార్కెట్ వర్గాలు భావిస్తున్నాయి.