షూట‌ర్ మ‌నూ భాక‌ర్.. పారిక్ ఒలింపిక్స్‌లో హ్యాట్రిక్ మెడ‌ల్స్ కొట్టే చాన్స్ చేజార్చుకుంది. మెగా ఈవెంట్‌లో టాప్ ఫామ్‌లో ఉన్న ఈ షూట‌ర్.. శ‌నివారం జ‌రిగిన 25మీట‌ర్ల పిస్తోల్ ఈవెంట్‌లో కాంస్య ప‌త‌కాన్ని అందుకునే చాన్స్ పోయింది. ఈ గేమ్స్‌లోనే మూడో మెడ‌ల్ అందుకునే అవ‌కాశం కోల్పోయింది. పారిస్ ఒలింపిక్స్‌లో ఇప్ప‌టికే మ‌హిళ‌ల 10 మీట‌ర్ల ఎయిర్ పిస్తోల్, మిక్స్‌డ్ 10 మీట‌ర్ల ఎయిర్ పిస్తోల్ ఈవెంట్ల‌లో మ‌నూ బాక‌ర్ కాంస్య ప‌త‌కాలు సాధించింది.
హ్యాట్రిక్ ప‌త‌కం మిస్‌..
ఇవాళ జ‌రిగిన 25 మీట‌ర్ల పిస్తోల్ ఈవెంట్ ఫైన‌ల్‌లో మ‌నూ ప‌త‌కం కోసం తీవ్ర ప్ర‌య‌త్నం చేసింది. మ‌నూ, హంగేరియ‌న్ షూట‌ర్ మ‌ధ్య ఎలిమినేష‌న్ రౌండ్ జ‌రిగింది. కాగా, హ్యాట్రిక్‌తో చ‌రిత్ర సృష్టించే అవ‌కాశాన్ని మ‌నూ తృటిలో మిస్సైంది. 5 షాట్ టార్గెట్‌లో మ‌నూ కేవ‌లం మూడింటిని షూట్ చేసింది. అయితే.. ఎలిమినేష‌న్ రౌండ్‌లో హంగేరికి చెందిన షూట‌ర్ వెరోనికా మేజ‌ర్ 4 హిట్స్ కొట్టింది. 33 పాయింట్ల‌తో కొరియా క్రీడాకారిణి జిన్ యాంగ్ తొలి స్థానంలో ఉండ‌గా, ఫ్రాన్స్ షూట‌ర్ కామిల్లీ జెడ్‌జివిస్కీ రెండో స్థానంలో, వెరోనికా మూడో స్థానంలో నిలిచారు.