డేరింగ్ బామ్మ..నాగుపాముని బరాబరా ఈడ్చుకెళ్లింది..

నాగుపాము కనిపిస్తే ఎవరైనా ఏం చేస్తారు..పరుగులు పెడతారు. కానీ ఓ అవ్వ మాత్రం పొడవైన నాగుపాము ఈజీగా తోక పట్టుకుని బరాబరా ఈడ్చుకెళ్లింది. బామ్మ ధైర్యం చూసి అక్కడివారంతా డేరింగ్‌ లేడీ అంటూ పొగడ్తలు కురిపిస్తున్నారు..అయినా అవేవీ పట్టించుకోకుండా ఆమె మాత్రం తన పని తాను చేసుకుంటూ పోయింది. పాపం ఎక్కడ్నుంచి వచ్చింది తెలియదు గానీ, ఈ భారీ నాగుపాము ఇళ్ల మధ్యలోకి వచ్చినట్టుంది. అది గమనించిన వృద్దురాలు..చాకచక్యంగా పామును పట్టుకుని ఇళ్లకు దూరంగా విసిరేసింది. బెంగళూరు సమీప గ్రామంలో చోటు చేసుకున్న ఈ ఘటనను స్థానికులు కొందరు వీడియో తీసి సోషల్ మీడియాలో షేర్‌ చేశారు.