టాలీవుడ్ లో రీ రిలీజ్ ట్రెండ్ కొనసాగుతోంది. ఇప్పటికే ఖుషీ, ఒక్కడు, వర్షం, ఆరెంజ్, దేశముదురు లాంటి ఎన్నో సినిమాలు మళ్లీ రిలీజ్ అయ్యి మళ్లీ రికార్డులు క్రియేట్ చేశాయి. కాగా, యంగ్ టైగర్ ఎన్టీఆర్ బ్లాక్ బస్టర్ హిట్ కొట్టిన సింహాద్రిని కూడా మే 20, 2023న థియేటర్లలో గ్రాండ్ గా రీ-రిలీజ్ చేసేందుకు సన్నాహాలు జరుగుతున్నాయి. తాజా అప్డేట్ ప్ర‌కారం, ఈ మూవీ మెల్‌బోర్న్‌లో ఉన్న ప్రపంచంలోనే అతిపెద్ద IMAX స్క్రీన్‌లో రిలీజ్ కానున్న‌ట్టు తెలుస్తోంది.
ఇక, రీ-రిలీజ్ షోకి సంబంధించిన బుకింగ్స్ ఇప్పటికే ఓపెన్ అయ్యాయి. డాల్బీ అట్మాస్ ఆడియోతో 4కెలో సినిమా రిలీజ్ కానుంది. మాస్టర్ స్టోరీ టెల్లర్ ఎస్ఎస్ రాజమౌళి దర్శకత్వం వహించిన ఈ బిగ్గీలో భూమిక చావ్లా, అంకిత కథానాయికలుగా నటించారు. ముఖేష్ రిషి, నాజర్, రాహుల్ దేవ్, బ్రహ్మానందం మరియు శరత్ సక్సేనా ముఖ్యమైన పాత్రలు పోషించారు. V. విజయ్ కుమార్ వర్మ నిర్మించిన ఈ చిత్రానికి MM కీరవాణి సంగీతం అందించారు.