దాదాపు మూడు సంవత్సరాల కఠినమైన ఆంక్షల తర్వాత చైనా సడలింపులు ప్రకటించింది. జనవరి 8 నుండి చైనాకు వచ్చే విదేశీ ప్రయాణికులకు నిర్బంధ చర్యలను రద్దు చేయనున్నట్లు ఆరోగ్య అధికారులు సోమవారం ప్రకటించారు. జాతీయ ఆరోగ్య కమిషన్‌ కోవిడ్‌-19 కోసం డౌన్‌గ్రేడ్‌ చేసిన నియంత్రణ చర్యలను ఆన్‌లైన్‌ నోటీసులో ప్రకటించింది. ప్రయాణికులు చైనాలోకి ప్రవేశించడానికి 48 గంటల విమానానికి ముందు ఆర్‌టీ-పీసీఆర్‌ పరీక్ష చేసుకుంటే సరిపోతుందని పేర్కొంది.
జాతీయ ఆరోగ్య నిర్బంధ చట్టం ప్రకారం, ఇన్‌బౌండ్‌ ప్రయాణికులు, వస్తువులపై అంటు వ్యాధి నిర్బంధ చర్యలు ఇకపై తీసుకోబడవు అని నేషనల్‌ హెల్త్‌ కమిషన్‌ (ఎన్‌హెచ్‌సి) తెలిపింది. అంతర్జాతీయ విమానాల సంఖ్యను పరిమితం చేసే పరిమితులు కూడా రద్దు చేయబడతాయని నోటీసు పేర్కొంది. జనవరి 8 నుండి ఈ చర్యలు అమలులోకి వస్తాయి అని నోటీసులో తెలిపింది.