యాక్ష‌న్..థ్రిల్ల‌ర్ సినిమాల‌కి పెట్టింది పేరు న‌టి ఆండ్రియా. కాగా తమిళంలో ఆమె చేసిన సినిమా త్వరలో తెలుగు ప్రేక్షకులను పలకరించడానికి రెడీ అవుతోంది. ఆ సినిమా టైటిల్ నో ఎంట్రీ.. అజేశ్ బ్యాక్ గ్రౌండ్ స్కోర్ ను అందించిన ఈ సినిమా నుంచి ట్రైలర్ ను రిలీజ్ చేశారు. ఇది ఫారెస్టు నేపథ్యంలో .. అడవి కుక్కలకి సంబంధించిన కథ అనే విషయం ఈ ట్రైలర్ వలన అర్థమవుతోంది. ఒక సైంటిస్ట్ అడవి కుక్కలపై రీసెర్చ్ చేస్తాడు .. అవి కరిచిన కొద్ది సేపటికే మనుషులకు వాటి లక్షణాలు వస్తుంటాయి. ఆ ఫారెస్టుకి వెళ్లిన సైంటిస్ట్ అదృశ్యం కావడంతో, అతని ఆచూకీ తెలుసుకోవడం కోసం అతని కూతురు తన ఫ్రెండ్స్ తో కలిసి అక్కడికి వెళుతుంది. అక్కడ చిక్కుబడిన ఆ టీమ్ ఎలా బయటపడిందనేదే కథ.శ్రీధర్ నిర్మించిన ఈ సినిమాకి అలుగు కార్తీక్ దర్శకత్వం వహించాడు.
