ఏపీలో కరోనా వ్యాప్తి ఇంకా అదుపులోకి రాలేదు. దీంతో కరోనా కట్టడిలో భాగంగా ఏపీ ప్రభుత్వం మరో కీలక నిర్ణయం తీసుకుంది. వైర‌స్ విజృంభ‌ణ త‌గ్గ‌క‌పోవ‌డంతో ఏపీ వ్యాప్తంగా అమల్లో ఉన్న నైట్ కర్ఫ్యూను మరోసారి రాష్ట్ర ప్రభుత్వం పొడిగించింది. ఈ మేర‌కు ఈ రోజు ప్రభుత్వం ఉత్తర్వులు జారీ చేసింది.
కరోనా కేసులు పెరుగుతున్న నేపథ్యంలో సెప్టెంబర్ 4 వరకు ప్ర‌తిరోజు రాత్రి 11 గంటల నుంచి ఉదయం 6 గంటల వరకు కర్ప్యూ అమల్లో ఉంటుందని తెలిపింది. కరోనా నిబంధ‌న‌లు త‌ప్ప‌నిస‌రిగా పాటించాల‌ని , రాత్రి స‌మ‌యంలో కరోనా ఆంక్ష‌లు కొన‌సాగుతాయ‌ని స్ప‌ష్టం చేసింది. కాగా ఏపీలో ప్ర‌తిరోజు దాదాపు 1,500 కరోనా పాజిటివ్ కేసులు న‌మోద‌వుతున్నాయి.
ఈ వార్త కూడా చదవండి: వాహనదారులకు హెచ్చరిక.. రూల్స్ పాటించకుంటే 15 రోజుల్లో నోటీసులు