ఐసీసీ వ‌న్డే ప్రపంచ‌క‌ప్ లో భాగంగా ఇవ్వాల (శ‌నివారం) కోల్‌క‌తాలోని ఈడెన్ గార్డెన్స్ వేదిక‌గా జ‌రిగిన రెండో మ్యాచ్ లో బంగ్లాదేశ్ పై నెద‌ర్లాండ్స్ గెలుపొందింది. 87 ప‌రుగుల తేడాతో విజ‌యాన్ని త‌మ సొంతం చేసుకుంది. ఇక, 230 ప‌రుగుల టార్గెట్ తో ల‌క్ష ఛేద‌న‌కు దిగిన బంగ్లాదేశ్ బ్యాట‌ర్లు ఘోరంగా విఫలమ‌య్యారు. నెద‌ర్లాండ్స్ బౌల‌ర్ల ధాటికి బంగ్లాదేశ్ చేతులెత్తేసింది. దీంతో 43 ఓవ‌ర్ల‌లోనే కుప్ప‌కూలింది బంగ్లాదేశ్ జట్టు.
ఇక, టాస్ గెలిచి తొలుత బ్య‌టింగ్ చేసిన నెద‌ర్లాండ్స్ జట్టు లో.. కెప్టెన్ స్కాట్ ఎడ్వర్డ్స్ (68) హాఫ్ సెంచ‌రీతో రాణించాడు. వెస్లీ బరేసి (41), సిబ్రాండ్ ఎంగెల్‌బ్రెచ్ట్ (35), లోగాన్ వాన్ బీక్ (23 నాటౌట్‌) ప‌ర‌గుల‌తో ప‌రువాలేద‌నిపించారు. ఇక, బంగ్లాదేశ్ బౌల‌ర్ల‌లో ముస్తాఫిజుర్ రెహమాన్, షోరిఫుల్ ఇస్లాం, మహేదీ హసన్, తస్కిన్ అహ్మద్ లు త‌లా రెండు వికెట్లు తీశారు. కెప్టెన్ ష‌కీబ్ ఓ వికెట్ ప‌డ‌గొట్టాడు.