ముత్తుకూరు ,డిసెంబర్ 3 (ఆంధ్రప్రభ) శ్రీ పొట్టి శ్రీరాములు నెల్లూరు జిల్లా సర్వేపల్లి నియోజకవర్గం ముత్తుకూరు మండలం తాహశీల్దార్ బాలకృష్ణారెడ్డి లంచం తీసుకుంటూ ఏసీబీ అధికారులకు పట్టుబడ్డారు. పంటపాలెం గ్రామానికి చెందిన ఓ రైతు ఏసీబీ అధికారులకు ఫిర్యాదు చేయగా నేడు కార్యాలయం వద్ద ఏసీబీ మాటు వేసి తాహశీల్దారును రెడ్ హ్యాండెడ్ గా పట్టుకున్నారు. కాగా, జిల్లా ఏసీబీ అధికారులు తాహసిల్దార్ కార్యాలయంలో సోదాలు చేస్తున్నారు. దీనిపై మరింత సమాచారం తెలియాల్సి ఉంది.
