టీ20 ప్ర‌పంచ క‌ప్‌లో భాగంగా నేడు జరుగుతున్న మ్యాచ్‌లో గ్రూప్ – డీ లోని నెదర్లాండ్స్ బంగ్లాదేశ్ జట్లు తలపడుతున్నాయి. కాగా, ఆర్నోస్ వేల్ స్టేడియం వేదిక‌గా జరుగుతున్న ఈ మ్యాచ్ కు వర్షం ఆటంకం క‌లిగించింది. వర్షం కారణంగా టాస్ ఆలస్యమైంది.
ఇక ఇప్ప‌టివ‌క‌రు ఈ రెండు జట్లు తమ గ్రూప్ దశలో రెండు మ్యాచ్‌లు ఆడాయి. చెరో విజయంతో రెండు పాయింట్లతో రెండు మూడు స్థానాల్లో ఉన్నాయి. ఈ గ్రూప్ నుంచి దక్షిణాఫ్రికా జట్టు ఇప్పటికే సూపర్ 8కి చేరుకుంది. ఇక ఈ గ్రూప్ లో శ్రీలకం (1 పాయింట్) జట్టు ఇంటి బాట పట్టగా.. నేపాల్ (1 పాయింట్) కూడా అదే బాటలో పయనిస్తోంది. దీంతో ఈ గ్రూప్ నుంచి సూపర్ 8కి చేరేందుకు బంగ్లాదేశ్ – నెదర్లాండ్స్ జట్ల మధ్య పోటీ నెలకొంది.