దేశవ్యాప్తంగా శాలిబండ పీఎస్‌ ఉత్తమ పోలీస్‌ స్టేషన్‌గా గుర్తింపు లభించడం అభినందనీ యమని డీజీపీ స్పష్టం చేశారు. ఈక్రమంలో హైదరాబాద్‌లోని శాలిబండ పోలీస్‌ స్టేషన్‌ దేశంలో 8 ఉత్తమ పీఎస్‌గా ఖ్యతి గడించడంలో సీపీ సీవీ ఆనంద్‌, పోలీసు సిబ్బంది కృషి అద్భుతమని డీజీపీ కొనియాడారు.
భువనేశ్వర్‌లో శుక్రవారం జరిగిన డీజీపీల సమావేశంలో శాలిబండ పోలీస్‌ స్టేషన్‌ను ఉత్తమ పీఎస్‌గా కేంద్ర హోం వ్యవహారాల మంత్రిత్వ శాఖ ప్రకటించిందని తెలిపారు.
హైదరాబాద్‌ పోలీస్‌ కమిషనర్‌ సీవీ ఆనంద్‌, పోలీసు సిబ్బంది ప్రదర్శించిన అవిశ్రాంత కృషి, వృత్తి నైపుణ్యం, వినూత్న పోలీసింగ్‌ విధానాలకు వల్లే ఈ ఖ్యాతి లభించిందని డీజీపీ ఉద్ఘాటించారు. ఈక్రమంలో హైదరాబాద్‌ పోలీసుల స్పూర్తితో రాష్ట్ర వ్యాప్తంగా అన్ని పీఎస్‌ల సిబ్బంది ముందుకు సాగి విజయాలు కైవసం చేసుకోవాలని డీజీపీ వివరించారు.