ఒలింపిక్స్‌లో భారత స్టార్‌ రెజ్లర్‌ వినేశ్ ఫొగాట్‌ పై అనర్హత వేటు పడింది. ఫైనల్‌ పోరులో పసిడి పతకం సాధిస్తుందన్న ఆశతో ఎదురుచూస్తున్న ఎంతోమంది భారతీయులను ఈ వార్త షాక్‌కు గురి చేసింది. ఈ క్ర‌మంలో వినేశ్ ఫొగట్‌కు అందరూ అండగా నిలవాలని భారత రాష్ట్రపతి ద్రౌప‌ది ముర్ము కోరారు. 140 కోట్ల ప్రజల హృదయాల్లో ఫొగట్‌ ఛాంపియన్‌గా నిలిచార‌న్నారు.
‘పారిస్‌ ఒలింపిక్స్‌లో వినేశ్ ఫొగట్‌ అసాధారణ ప్రతిభ కనబరిచారు. తన ప్రతిభతో దేశం గర్వపడేలా చేశారు. ఈ స‌మ‌యంలో ఫొగట్‌కు అందరూ అండగా నిలవాలి. 140 కోట్ల ప్రజల హృదయాల్లో ఫొగట్‌ ఛాంపియన్‌గా నిలిచారు. భవిష్యత్తు క్రీడాకారులకు ఆమె ఆదర్శంగా నిలుస్తారు. భవిష్యత్తులో ఆమె మరిన్ని అవార్డులు సాధించాలని కోరుకుంటున్నా.’ అని రాష్ట్రపతి ద్రౌప‌ది ముర్ము అన్నారు.